काठमाडौं । कोरोना भाइरस (कोभिड–१९) को संक्रमणबाट दुई हजार ३ सय १९ जना मुक्त भएका छन् ।
स्वास्थ्य तथा जनसंख्या मन्त्रालयका अनुसार थप ७ सय ४७ जनामा संक्रमण पुष्टि भएको छ भने दुई हजार ३ सय १९ जना मुक्त भएका हुन् ।
अब नेपालमा कोरोना संक्रमितको कूल संख्या ११ लाख ११ हजार २१८ पुगेको छ भने, हाल देशभर २० हजार ७ सय ३९ संक्रिय संक्रमित छन् ।
देशभर ८ हजार ६९६ नमुना परीक्षण गरिएकोमा ६ हजार २ सय ७९ नमुनाको पीसीआर परीक्षण गर्दा ४ सय ८२ र दुई हजार ४ सय १७ जनाको एन्टीजेन परीक्षण गर्दा २ सय ६५ गरी ७ सय ४७ जनामा संक्रमण पुष्टि भएको छ ।
यस्तै १० वर्ष मुनिका १७ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका ३३ जना कोरोना संक्रमित थपिएका छन् ।
खबर बजार । २ फाल्गुन २०७८, सोमबार १७:२४