काठमाडौं । भर्खरै नियुक्त गरिएका नेपालको राष्ट्रिय क्रिकेट टिमका कप्तान सन्दीप लामिछानेले आफूलाई जिम्मेवारी दिएकोमा नेपाल क्रिकेट संघ (क्यान) प्रति आभार व्यक्त गर्नुभएको छ ।
साथै उहाँले राष्ट्रिय टिममा सबैका लागि ढोका खुला रहने र परिवारका रूपमा एकतावद्ध भएर खेल्ने जानकारी गराउनुभएको छ । सामाजिक सञ्जालमार्फत उहाँले यस्तो विचार व्यक्त गर्नुभएको हो ।
सन्दिपले लेख्नुभएको छ, ‘हाम्राे सरल याेजना हुनेछ, विश्व क्रिकेटकाे नक्शामा नेपालकाे प्रभावकारी उपस्थिति गराउने । त्यसका लागि हामीले परिवारका रूपमा एकतावद्ध भएर खेल्नेछाै ।’ साथै सन्दिपले लेख्नुभएको छ, ‘नेपाली टिममा सबैका लागि ढाेका खुल्ला छ ।’
खबर बजार । ४ पुष २०७८, आईतवार १२:२८