कास्की । राष्ट्रिय प्रजातन्त्र पार्टीका निवर्तमान अध्यक्ष कमल थापाले कास्कीको पोखरामा भएको १८ औं माछापुच्छ्रे बैंक पोखरा ओपन तथा भेट्रान्स टेनिस प्रतियोगितामा ५५ वर्षमाथिको डबल्समा उपाधि जित्नुभएको छ ।
उहाँ र झ्याम्पा ढुण्डुपको जोडीले कृष्ण घले र राजु श्रेष्ठको जोडीमाथि संघर्षपूर्ण जित निकालेको हो ।
उनीहरुले २–६, ६–२ र ११–९ को सेटमा जित निकाले ।यसअघि थापा ५५ वर्षमाथिको एकल स्पर्धामा भने थापा कृष्ण घलेसँग पराजित बन्नुभएको थियोे ।
६५ वर्षमाथिको फाइनलमा विदुर विष्टले विष्णु गुरुङलाई ४–०, ४–१ को सोझो सेटमा पराजित गर्दै प्रथम स्थान प्राप्त गर्नुभयो ।
खबर बजार । १६ पुष २०७८, शुक्रबार ०२:२९