काठमाडौं । नेकपा एमालेनिकट नेपाल खेलकुद महासंघको संयोजकमा पर्शुराम बस्नेतलाई चयन गरिएको छ ।
राष्ट्रिय युवा संघ नेपालका पूर्वउपाध्यक्ष समेत रहनुभएका बस्नेत पदाधिकारी बैठकबाट खेलकुद महासंघको संयोजकमा चयन हुनुभएको हो ।
बस्नेत रमेश पौडेल अध्यक्षताको कमिटीमा वरिष्ठ उपाध्यक्ष हुनुहुन्थ्यो । पौडेल एमाले केन्द्रीय सदस्य मनोनित भएपछि उहाँले अध्यक्षको जिम्मेवारीबाट बिदा लिएर बस्नेतलाई बाटो खुला गर्नभएको हो ।
एमाले स्थायी कमिटी सदस्य तथा जनवर्गीय संगठन संयोजन संयन्त्रका इन्चार्ज भानुभक्त ढकाल, खेलकुद महासंघका इन्चार्ज गोकुल बास्कोटा, रचना खड्कालगायतका नेताहरुको उपस्थितिमा सम्पन्न बैठकले १९९ सदस्यीय केन्द्रीय कमिटी गठन गरेको छ ।
केन्द्रीय कमिटीको पहिलो बैठकले अन्य पदाधिकारी चयन गर्ने महासंघका प्रवक्ता उमेश केसीले जानकारी दिनुभयो ।
खबर बजार । २४ माघ २०७८, सोमबार १४:२३