काठमाडौं । सामाजिक अभियन्ता आशिका तामाङलाई जिल्ला अदालत भक्तपुरले ५ दिन कैद र ५ सय रुपैयाँ जरिबानाको फैसला सुनाएको छ । भक्तपुरको साँगास्थित झोलुंगे पुल तर्न शुल्क असुलिएको विरोध गर्दा उनीविरुद्ध मुद्दा परेको थियो ।
आशिकाले शुल्कको विरोध गर्दै रसिद बुक च्यातिदिएकी थिइन् । आज विश्वनाथ भट्टराईको एकल इजलासले उनलाई कैद र जरिबानाको सजाय गरेको अदालतकी प्रवक्ता हीराकुमारी भण्डारीले जानकारी दिनुभयो ।
भण्डारीका अनुसार ८ हजार ३ सय रूपैयाँ जाहेरवालालाई क्षतिपूर्ति पनि फैसला भएको छ । यस्तै, पीडित राहतकोषमा दुई–दुई सय बुझाउनुपर्ने उहाँले बताउनु भयो ।
खबर बजार । १२ भाद्र २०८२, बिहीबार १८:५४