सुर्खेत । सुर्खेत उद्योग बाणिज्य संघको निर्वाचन मिति तोकिएको छ । यसअघि आज गर्ने भनिएको निर्वाचन असन्तुष्ट व्यापारीहरुले अदालतमा रिट दायर गरेपछि रोकिएको थियो । तर अदालतले अन्तरिम आदेश दिन अस्वीकार गरेपछि निर्वाचन समितिले नयाँ मिति तोकेको हो ।
अब आगामी बैशाख ४ गते निर्वाचन मिति तोकिएको छ । आइतबार १० बजेदेखि दिउँसो ३ बजेसम्म प्रा.लि. साझेदारी फर्म र कम्पनी लगायतको मतदाता सूचीमा नाम समावेश हुनेगरी प्रतिनिधि पठाउने तथा मतदाता नामावलीमा दावी विरोध गर्ने संशोधित निर्वाचन कार्यतालिकामा उल्लेख छ ।
यस्तै आइतवार नै मतदाताको अन्तिम नामावली प्रकाशन र चैत २८ गते सोमबार १० बजेदेखी दिउँसो ३ बजेसम्म उम्मेद्वारी दर्ता तथा सोही दिन साँझ उम्मेद्वारको सूची प्रकाशन गरिने अधिवक्ता समेत रहेका निर्वाचन समितिका नन्दबहादुर भण्डारीले जानकारी दिनुभयो ।
खबर बजार । २६ चैत्र २०७८, शनिबार १५:२५