दैलेखको गुराँस गाउँपालिका वडा नम्बर ३ पातिकाल्नाका लाल बहादुर शाही भारतको नयाँ दिल्लीबाट बेपत्ता हुनुभएको छ ।
४५ बर्षिया शाही दिदिको अप्रेसनका लागि भन्दै भारतको नयाँ दिल्ली जानुभएको थियो । दिल्लीमा रहेका आफन्तको कोठामा पुग्नुभएका उहा सम्पर्क बिहिन हुनुभएको हो ।
गत साउन २० गते बिहान ८ बजे आफ्नो जेठान जनक शाहीको कोठामा पुगेका त्यहीदिन दिउसोदेखि कोठा छोडेर गएको र सम्पर्क बिहिन भएको आफन्तले बताएकाछन ।
जुत्ता, पर्स, झोला मोवायलसहितका सबै सामान कोठामै छोडेको तर लाल बहादुर भने सम्पर्क बिहिन रहेको आफन्तको भनाई छ ।
दिल्ली खेरा कलान भन्ने ठाउँ बाट हराएका शाहीले सेतो टिसर्ट जेन्स पाइन्ट सेन्डिल चप्पल लगायको जानकारी परिवारले दिएको छ ।
उहाको खोजी गरिदिन परिवारले आग्रह गरेका छन । खोजी कार्यका लागि नेपाल स्थित सबै नीकायलाई परिवारले अनुरोध गरेको छ । भारतीय प्रहरीलाई खोजिका लागि अनुरोध गरिए पनि अहिलेसम्म कुनै जानकारी नआएको उहाको भिनाजु टेकबहादुर शाहीले जानकारी दिनुभयो ।
खबर बजार । ९ भाद्र २०७९, बिहीबार १८:२०