काठमाडौं । प्रतिनिधि सभाको बैठक आइतबार बस्दैछ । दिउँसो १ बजे बोलाइएको संसद बैठकमा मिलेनियम च्यालेञ्ज कम्प्याक्ट (एमसीसी) टेबल गर्ने कि नगर्ने अन्योल छ । आजको संसदको सम्भावित कार्यसूचीमा एमसीसीको विषय नराखिएको भए पनि संसद बैठकअघि बस्ने कार्यव्यवस्था परामर्श समितिको बैठकले अन्तिम कार्यसूची तय गर्नेछ ।
यसैबीच, प्रमुख प्रतिपक्षी दल नेकपा (एमाले)ले भने संसद अवरोध कायमै राख्ने जनाएको छ ।
आफूले कारबाही गरेका १४ जनालाई संसदमा प्रतिनिधित्व गर्न दिएको भन्दै एमालेले अवरोध कायम राखेको छ । यद्यपि, अवरोधकै बिच यसअघि विभिन्न प्रतिवेदन र विधेयक सरकारले पेश गरिसकेको छ ।
खबर बजार । ८ फाल्गुन २०७८, आईतवार ०७:५९