काठमाण्डाै । नेकपा माओवादी केन्द्रले सङ्घीय मामिला तथा सामान्य प्रशासनमन्त्री अमनलाल मोदीलाई फिर्ता बोलाउने निर्णय गरेको छ ।
आज आइतवारको पदाधिकारी बैठकले जनमत पार्टीलाई सरकारमा ल्याउन माओवादीले आफ्नै पार्टीका मन्त्री मोदीलाई फिर्ता ल्याउने निर्णय गरेको उपमहासचिव वर्षमान पुनले जानकारी दिनुभयो ।
मोदीले सरकारमा राम्रो काम गर्दा गर्दै पनि यसअघि जनमत पार्टीसँग भएको सहमतिका आधारमा फिर्ता बोलाउने निर्णय गर्नुपरेको उपमहासचिव पुनको भनाइ छ ।
बैठकमा मन्त्री मोदीले प्रधानमन्त्री पुष्पकमल दाहाल प्रचण्ड र पार्टीको निर्णय स्वीकार रहेको बताउनुभएको छ ।
खबर बजार । २८ श्रावण २०८०, आईतवार १९:४७