काठमाडौं । गण्डकी, कर्णाली र बाँकी हिमाली तथा पहाडी भू-भागका केही स्थानमा आज मेघगर्जन-चट्याङ्गसहित हल्का वर्षा-हिमपात हुने भएको छ । साथै सबै प्रदेशका तराई भू-भागका केही स्थानहरूमा हावाहुरीको समेत सम्भावना रहेको महाशाखाले जनाएको छ ।
पश्चिमी वायू र स्थानीय वायुको आंशिक प्रभावको कारण गण्डकी, कर्णाली र सुदूरपश्चिम प्रदेशको हिमाली भू-भागमा साधारणतया बादल लागेको छ । बाँकी भू-भागमा भने आंशिक बादल लागेको मौसम पूर्वानुमान महाशाखाले जनाएको छ ।
आज दिउँसो भने सबै प्रदेशको हिमाली भू-भाग लगायत गण्डकी, लुम्बिनी, कर्णाली र सुदूरपश्चिम प्रदेशका पहाडी भू-भागमा साधारणतया बादल लाग्ने भएको हो । साथै बाँकी भू-भागमा भने आंशिक बादल लाग्नेछ।
त्यस्तै, आज राति भने गण्डकी, कर्णाली र सुदूरपश्चिम प्रदेशको पहाडी तथा हिमाली भू-भागमा साधारणतया बादल लाग्नेछ । साथै बाँकी भू-भागमा भने आंशिक बादल लाग्ने भएको हो । कोशी, गण्डकी र कर्णाली प्रदेशका हिमाली भू-भागका केही स्थानमा मेघगर्जन-चट्याङ्गसहित हल्का वर्षा-हिमपातको समेत सम्भावना रहेको छ।
सबै प्रदेशका तराई भू-भागका केही स्थानहरूमा हावाहुरीको पनि सम्भावना रहेको महाशाखाले जनाएको हो ।
खबर बजार । २० चैत्र २०८२, शुक्रबार ०८:०१