सुर्खेत । सुर्खेत–दैलेख सिमानास्थित वीरेन्द्रनगर–१४, रातानाङ्ग्ला नजिक भएको फोर्स गाडी दुर्घटनामा परी एक बालिका एक महिला सहित चार जनाको मृत्यु भएको छ । मृत्यु हुनेको पहिचान खुलेको छैन् ।
शुक्रबार दिउँसो दैलेख बजारबाट सुर्खेततर्फ आउँदै गरेको कर्णाली प्रदेश ०२००१ ख ०९९८ नम्बरको गाडी बिपरित दिशा तर्फ बाट आउदै गरेको कर्णाली प्रदेश ०१००१च ००७४ नम्बरको स्कार्पीयो सँग ठोक्किएर अनियन्त्रि भई दुर्घटनामा परेको होे ।
दुर्घटना लगत्तै घटनास्थल पुगेको नेपाल प्रहरी, नेपाली सेना र सशस्त्र प्रहरी टोलीले उद्दार गरेर उपचारका लागि पठाइसकिएको छ । केहीको अवस्था गम्भीर केहीको सामान्य रहेको छ ।
दुर्घटनामा परी २४ जना घाईते भएका छन् । घाईते २४ जनाको उद्दार गरी थप उपचारका लागि कर्णाली प्रदेश अस्पताल सुर्खेत पठाइएको छ ।
२८ जना सवार उक्त गाडी सडकभन्दा झण्डै एक सय पचास मिटर तल खसेको छ ।
खबर बजार । २३ कार्तिक २०८१, शुक्रबार १६:५५