काठमाण्डौं । आईसीसी टी–२० विश्वकप क्रिकेट २०२२ को पहिलो सेमिफाइनल खेलमा आज न्युजिल्याण्ड र पाकिस्तानबीच प्रतिस्पर्धा हुने भएको छ।
अष्ट्रेलियाको सिड्नीमा नेपाली समय अनुसार दिउँसो १:४५ बजे हुने खेलमा दुवै टोली जित निकाल्दै फाइनल पुग्ने योजनामा छन्।
टी–२० विश्वकपमा न्युजिल्याण्ड र पाकिस्तानबीच यसअघि ६ पटक प्रतिस्पर्धा भएको छ। ६ मध्ये पाकिस्तानले चार खेल जित्दा न्युजिल्याण्डले दुई खेलमा मात्र विजयी भएको छ।
पाकिस्तानले सन् २००७, सन् २००९, सन् २०१२ र सन् २०२१ मा टी–२० विश्वकपमा न्युजिल्याण्डविरुद्ध भएका खेलमा जित हात पारेको थियो।
बुधबारको खेलमा विजयी हुने टोलीले बिहीबार भारत र इङल्याण्डबीच हुने खेलकोे विजेतासँग फाइनल खेल्नेछ।
खबर बजार । २३ कार्तिक २०७९, बुधबार ११:५४