२३ मंसिर, काठमाण्डौ । सुनको भाउ आज तोलाको एक लाख रुपैयाँ नाघेको छ । लगातार बढेको सुनको भाउ आज तोलामा ६ सय रुपैयाँले बढेर तोलाको एक लाख ३ सय रुपैयाँ पुगेको छ ।
सुन हिजो तोलामा ९९ हजार ७ सय रुपैयाँमा कारोबार भएको थियो ।
त्यसैगरी आज चाँदीको मूल्य पनि बढेको छ । आज चाँदी प्रतितोला १ हजार ३ सय ९० रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
हिजो तोलामा १० रुपैयाँले बढेर १ हजार ३ सय ६० रुपैयाँमा कारोबार भएको चाँदी आज तोलामा ३० रुपैयाँले बढेको हो ।
अन्तर्राष्ट्रिय बजारमै सुन–चाँदीको भाउ बढेकाले त्यसको असर नेपालमा पनि परेको महासंघले जनाएको छ ।
खबर बजार । २३ मंसिर २०७९, शुक्रबार ११:५४