काठमाण्डौ । आईसीसी एकदिवसीय विश्व कप छनोटमा नेपालले अमेरिकासँगको खेलमा टस जितेर पहिले बलिङ गर्ने निर्णय गरेको छ ।
हरारेको टाकासिंगा स्पोर्ट्स क्लबमा टस जित्दै नेपालका कप्तान रोहित पौडेलले पहिला बलिङ गर्ने निर्णय गरेका हुन् । आजको खेलमा नेपालका बलर सोमपाल कामी खेल्ने छैनन् । गएको आइतवार जिम्बावेसँगको खेलमा घाइते भएका उनी आजको खेलका लागि फिट नभएका हुन् ।
आजको खेलमा दुवै टोली पहिलो जितको खोजीमा हुनेछन् । नेपाल र अमेरिका दुवैले आफ्नो पहिलो खेलमा हार बेहोरेका छन् । नेपाल पहिलो खेलमा जिम्बावेसँग ८ विकेटले पराजित भएको थियो भने अमेरिका वेस्ट इन्डिजसँग ३९ रनले पराजित भएको थियो ।
खबर बजार । ५ असार २०८०, मंगलवार १२:३३