सुर्खेत । जिल्लाको वीरेन्द्रनगरबाट लागूऔषधसहित एक जना पक्राउ परेका छन् । उक्त व्यक्ति आइतबार दिउँसो साढे ४ बजेको समयमा वीरेन्द्रनगर नगरपालिका–१० नयाँगाँउबाट पक्राउ परेका हुन् ।
पक्राउ पर्नेमा कालीकोट महावै गाँउपालिका–३ घर भई हाल वीरेन्द्रनगर–९ लाटिकोईली कोठा भाँडामा बस्दै आएका २४ वर्षीया दिपेन्द्र सिंह रहेका छन् ।
उनलाई तालुक कर्णाली प्रदेश प्रहरी कार्यालय सुर्खेत, लागूऔषध ब्यूरो शाखा सुर्खेत र जिल्ला प्रहरी कार्यालय सुर्खेतबाट खटिएको प्रहरीले पक्राउ गरेको हो ।
सिंहलाई पक्राउ गर्न सादा पोशाकमा संयुक्त प्रहरी टोलीले खटिएको थियो । सिंहलाई शंकास्पद रूपमा बसिरहेको अवस्थामा फेलापारी खानतलासी गर्दा उनको साथबाट प्लाष्टिकसहित चार सय १० मिलीग्राम लागूऔषध (ब्राउन सुगर) जस्तो देखिने धुलो पदार्थ बरामद गरेको हो ।
सिंहलाई नियन्त्रणमा लिई थप अनुसन्धान भईरहेको प्रहरीको भनाई रहेको छ ।
खबर बजार । २ श्रावण २०७९, सोमबार ०६:५३