सिन्धुली । नेकपा (माओवादी केन्द्र) का अध्यक्ष पुष्पकमल दाहाल (प्रचण्ड) ले स्थानीय निर्वाचनमा २०६४ सालको जस्तैगरि परिचालित हुन योङ्ग कम्युनिष्ट लिग (वाइसिएल) का कार्यकर्तालाई निर्देशन दिनुभएको छ ।
सिन्धुली जिल्ला पार्टी कार्यालय भवनको उद्घाटन सभालाई सम्बोधन गर्दै अध्यक्ष प्रचण्डले २०६४ सालको चुनाव वाइसिएलको भरमा जितेको भन्दै त्यस बेला वाइसिएल आयो भनेपछि जाली फटाहाहरू भाग्ने गरेको स्मरण गर्नुभयो ।
प्रचण्डले भन्नुभयो, ‘२०६४ सालको निर्वाचनमा वाइसिएल आयो भनेपछि विरोधीहरूको सातो जान्थ्यो । जनताले आफ्ना छोराछोरी जसरी माया गर्थे र ढुक्कले माओवादीलाई भोट दिन्थे । अहिले त वाइसिएल पनि खै के हो मुर्झायो । तर अब यो दुई महिना गाउँ गाउँमा भोलेन्टियर खटाउनुस् । गुण्डागर्दी पनि अरूले पो गर्न थाले । अब वाइसिएलले तीनलाई ठेगान लाउनुस् । लड्नका लागि आवश्यक पर्यो भने केन्द्रमा भन्नुस्, सहयोग हुन्छ ।’
खबर बजार । ५ चैत्र २०७८, शनिबार १८:४१