सुर्खेत । दैलेखको एक पालिकाको वडाध्यक्षमा भान्जाले मामालाई पराजित गर्नुभएको छ । गुराँस गाउँपालिका वडा नं.८ को वडाध्यक्षमा मामालाई हराउँदै भान्जा निर्वाचित हुनुभएको हो ।
नेकपा एमालेबाट (भान्जा) दीपेन्द्र ओलीले नेपाली काँग्रेसबाट उम्मेदवार ९मामा० भक्तबहादुर केसीलाई २३ मतले पराजित गर्नुभएको हो ।
ओलीले ५८२ मत प्राप्त गर्नुभएको छ भने केसीले ५५९ मत प्राप्त गर्नुभएको छ ।
ओली झण्डै १२ वर्षअघिदेखि सुर्खेतमा रहेर पत्रकारिता क्षेत्रमा सक्रिय हुनुहुन्थ्यो । उहाँ जागरण एफएमको स्टेसन म्यानेजर हुँदै पूर्व प्रदेश प्रमुख गोविन्द कलौनीको प्रेस सल्लाहकार समेत भइसकेका व्यक्ति हुनुहुन्छ ।
पूर्व पत्रकार ओलीले अहिले पनि खबर बजार नामक अनलाइन पत्रिका सञ्चालन गरिरहनुभएको छ ।
खबर बजार । २ जेष्ठ २०७९, सोमबार ०६:४४