जसमा अन्र्तगत प्रतिनिधिसभासहित ५ ठाँउमा गठबन्धनले जित निकालेको छ भने नेकपा एमाले र स्वतन्त्रले एक ÷एक ठाउँमा जित निकालेका छन् ।
सुर्खेत निर्वाचन क्षेत्र नम्बर २ मा नेपाली कांग्रेसका हृदयराम थानी विजयी हुनुभएको छ । उहाले नेकपा एमालेका अमृत विसीलाई पराजित गर्नुभएको हो ।
यस्तै, दैलेख क्षेत्र नम्बर १ (क) बाट प्रदेश सभा सदस्य पदमा नेपाली कांग्रेसका पूर्णबहादुर खत्री विजयी हुनुभएको छ । उहाँले नेकपा एमालेका धर्मराज रेग्मीलाई १ हजार ३९२ मतान्तरले पराजित गर्दै विजय हासिल गर्नुभएकोह हो । उहाँले ९ हजार ४६४ मत ल्याएर निर्वाचित हुँदा पूर्व माओवादी रेग्मीले ८ हजार ७२ मत प्राप्त गर्नुभयो ।
यस्तै, जाजरकोट प्रदेश सभा (क) मा नेपाली कांग्रेसका वेदराज सिंह विजयी हुनुभएको छ ।
अन्तिम मतगणना अनुसार सिंहले १८ हजार ५४३ मत प्राप्त गरी विजयी हुनुभएको छ । उहाका प्रतिस्पर्धी नेकपा एमालेका डम्बरबहादुर सिंहले १२ हजार ४ सय ७० मत प्राप्त गर्नुभएको छ । उनीहरु बीच ७ हजार ७३ मतान्तरको फरक छ ।
जाजरकोटकै प्रदेश सभा अन्तर्गत (ख) बाट नेपाली कांग्रेसका केन्द्रीय सदस्य राजीवविक्रम शाह निर्वाचित हुनुभएको छ । उहा १६ हजार ४० मतसहित निर्वाचित हुनुभएको छ ।
शाहले नेकपा एमालेका खिम बहादुर शाहीलाई ५ हजार ५१० मतान्तरले पछि पार्नुभयो । एमाले नेता शाहीले १० हजार ५३० मत पाउनुभएको छ ।
यस्तै, दैलेख निर्वाचन क्षेत्र नम्बर–२ प्रदेश सभा (क) मा गठबन्धनबाट नेपाली कांग्रेसका घनश्याम भण्डारी विजयी हुनुभएको छ ।
भण्डारीले नेकपा एमालेका तिलक प्रसाद रिजाललाई एक हजार ३ सय ५ मतले हराउनुभएको हो ।
भण्डारीले जम्मा खसेको मत २२ हजार ९४२ गणना गर्दा १० हजार ८ सय मत पाउनुभएको हो ।
एमालेका रिजालले ९ हजार ४ सय ९५ मत प्राप्त गर्नुभएको छ । प्रदेश सभामा निर्वाचित भण्डारी पूर्व दुल्लु नगरपालिकाका प्रमुख समेत हुनुहुन्छ ।
कर्णालीका मुख्यमन्त्रीका दाबेदार समेत रहेका ललितजंग शाहीलाई स्वतन्त्र उम्मेदवार देवेन्द्रबहादुर शाही विजयी हुुनुभएको छ ।
जुम्ला प्रदेश सभा–१ मा वाम–लोकतान्त्रिक गठबन्धनबाट उम्मेदवार नेपालीका कांग्रेसका शाहीलाई १ हजार ८९९ मतले हराउँदै देवेन्द्रबहादुर विजयी हुनुभएको हो ।
जम्मा खसेको मत मध्ये २४ हजार ६४५ मत गणना गर्दा देवन्द्रबहादुरले ९ हजार ६५४ मतसहित विजयी हुनुभएको हो । ललितजंग शाहीले ७ हजार ७५५ मत मात्रै पाउनुभएको छ ।
यस्तै, जुम्ला प्रदेश सभा–२ मा गठबन्धनकाबाट उम्मेदवार समाजवादीका पदमबहादुर रोकायलाई हराउँदै एमालेका टेकराज पछाई विजयी हुनुभएको छ ।
कर्णाली प्रदेशका बहालवाला भौक्तिक पूर्वाधार तथा सहकारी मन्त्री रोकायलाई पछाईले पराजित हुनुभएको हो ।
पछाईले ७ हजार ८१५ मतले विजयी हुनुभएको हो । भने रोकायले ६ हजार ७२२ मत ल्याएका छन् । पछाई नेकपा एमाले प्रदेश कमिटी उप–सचिव हुनुहुन्छ ।
खबर बजार । ७ मंसिर २०७९, बुधबार १९:५७