जुम्ला । लागूऔषध (ब्राउनसुगर) सहित जुम्ला प्रहरीले एक जनालाई प्रक्राउ गरेको छ ।
शुक्रबार विशेष सूचनाका आधारमा जुम्ला चन्दननाथ नगरपालिका-२ का १८ वर्षे धर्मेन्द्र भण्डारीलाई लागुऔषधसहित पक्राउ गरिएको जिल्ला प्रहरी कार्यालय जुम्लाका डिएसपी नरेन्द्र चन्दले जानकारी दिनुभयो ।
भण्डारीको घरमा लागुऔषधको कारोबार भइरहेको गोप्य सूचनाका आधारमा जिल्ला प्रहरी कार्यालय जुम्लाबाट खटिएको प्रहरी टोलीले भण्डारीको शरिर र घर खानतलास गर्दा घरको माथिल्लो तलामा कापीको बीचमा पुरिया बनाई राखेको अवस्थामा ब्राउन सुगर बरामद गरेको हो । भण्डारीलाई पक्राउ गरी थप अनुसन्धानका लागि हिरासतमा राखिएको डिएसपी चन्दले जानकारी दिनुभयो ।
खबर बजार । ११ चैत्र २०७८, शुक्रबार १८:०८