काठमाडौं । आसन्न टी-२० विश्वकप क्रिकेटमा स्थान बनाउने प्रयासस्वरुप नेपालले आज युएईसँग खेल्दैछ ।
ओमानमा जारी छनोट प्रतियोगितामा समूह विजेताका रुपमा नेपालले सेमिफाइनलमा स्थान बनाएपछि यूएईसँग भिडन्त तय भएको हो ।
आजको खेलमा नेपालले जितेमा टी-२० विश्वकप क्रिकेटमा स्थान बनाउनेछ ।
अर्को समूहबाट आयरल्यान्ड विजेता र यूएई उपविजेताका रुपमा सेमिफाइनलमा पुगेका हुन् । सेमिफइनलका विजेता दुई टाेली विश्वकपका लागि छनाेट हुनेछन् ।
यसअघि नेपालले एकपटक मात्र टी-२० विश्वकप खेलेको छ । सन् २०१४ मा बंगलादेशमा आयोजित विश्वकपमा छनोट भएको थियो ।
खबर बजार । १० फाल्गुन २०७८, मंगलवार ०९:१८