काठमाडौं । नवनियुक्त उद्योग, वाणिज्य तथा आपूर्ति मन्त्री दीपककुमार साहले पद तथा गोपनीयताको शपथ लिएपछि जिम्मेवारी समेत ग्रहण गर्नुभएको छ ।
राष्ट्रपति रामचन्द्र पौडेलले शीतल निवासमा आयोजित समारोहमा मन्त्री साहलाई पद तथा गोपनीयताको शपथ गराउनुभएको हो ।
साह राष्ट्रिय स्वतन्त्र पार्टीबाट सुनसरी क्षेत्र नम्बर ४ मा निर्वाचित प्रतिनिधिसभा सदस्य हुनुहुन्छ ।
पदभार ग्रहण गर्दै उहाँले प्रचलित कानुनअनुसार मन्त्रालयको काम गर्ने बताउनुभयो ।
खबर बजार । २५ भाद्र २०८३, बिहीबार १९:४८