पोखरा । पोखरामा एक पुरुषले आत्मदाहको प्रयास गरेका छन् । काठमाडौंमा केही दिनअघि एक पुरुषले आत्मदह गरेको घटना सेलाउन नपाउँदै पोखरा महानगरपालिका–१३ काहुँखोला बस्दै आएका एकजनाले आइतबार आत्मदाहको प्रयास गरेका हुन् । कास्कीको मादी गाउँपालिका ४५ वर्षीय पुरुषले आफ्नै शरीरमा पेट्रोल छर्केर आत्मदाहको प्रयास गरेका हुन् । डेरामा बस्दै आएका उनले बाथरुममा छिरेर पेट्रोल छर्केर आत्मदाहको प्रयास गरेका हुन् । उनलाई बचाउने क्रममा घरबेटीसमेत घाइते भएको वडा नम्बर १३ का वडाध्यक्ष किरण बरालले बताउनु भयो ।
घाइते दुवैजनाको अहिले पश्चिमाञ्चल स्वास्थ्य विज्ञान प्रतिष्ठानको आईसीयू कक्षमा उपचार भइरहेको वडाध्यक्ष बरालले जानकारी दिनुभयो ।
खबर बजार । १५ माघ २०७९, आईतवार १३:४७