काठमाण्डौ । भारतमा उपचारपछि राष्ट्रपति रामचन्द्र पौडेल डिस्चार्ज हुनुभएको छ । उहाँ आज नै राति स्वदेश फर्किनु हुने भएको छ ।
पेट र छातीमा समस्यामा देखिएपछि गएको वैशाख ६ गते राष्ट्रपति पौडेल उपचारका लागि भारत जानुभएको थियो । उहाँ दिल्लीमा रहेको अल इन्डिया इन्स्टिच्युट अफ मेडिकल साइन्सेस (एम्स) बाट डिस्चार्जपछि स्वदेश फर्किन लाग्नुभएको हो ।
राष्ट्रपति कार्यालयका प्रवक्ता सागर आचार्यले निकालेको विज्ञप्तिअनुसार उहाँ नेपाल एअरलाइन्सको नियमित उडानबाट स्वदेश फर्किन लाग्नुभएको हो । राष्ट्रपति पौडेललाई डाक्टरले केही हप्ता आराम गर्न सुझाव दिएका छन् ।
खबर बजार । १७ बैशाख २०८०, आईतवार १५:३२