काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले यूएईमा जारी आइएल टी– २० प्रतियोगिता खेल्ने भएका छन् ।
उनी गल्फ जायन्टसबाट आइएल टी २० प्रतियोगिता खेल्न लागेको नेपाल क्रिकेट संघ (क्यान) ले सामाजिक सञ्जाल एक्समार्फत जानकारी दिएको छ ।
आइएल टी– २० का लागि आवद्ध भएपछि ऐरीले खुसी व्यक्त गरे ।
‘म गल्फ जायन्ट्सको हिस्सा हुन पाउँदा सम्मानित छु । यो एक शानदार अवसर हो, र म टोलीको सफलतामा योगदान गर्न उत्सुक छु । म प्रशंसा गर्दछु, फ्रेन्चाइजले मेरो क्षमतामा देखाएको आत्मविश्वास र म मैदानमा आफ्नो उत्कृष्ट प्रदर्शन गर्न तयार छु ।’
खबर बजार । २५ माघ २०८०, बिहीबार १४:१८