काठमाडौं । कर्णाली प्रदेशका मुख्यमन्त्री यामलाल कँडेलले विश्वासको मत पाउनु भएको छ ।
बिहीबारको प्रदेश सभामा कँडेलले २३ मत सहित विश्वासको मत पाउनु भएको हो । कुल ४० सदस्यीय प्रदेश सभामा आज ३५ सांसद उपस्थित थिए ।
जसमध्ये विश्वासको मतको पक्षमा २३, विपक्षमा ११ र १ मत तटस्थमा परेको छ ।
कर्णाली प्रदेश सभामा नेपाली कांग्रेसका १४, नेकपा माओवादी केन्द्रका १३, नेकपा एमालेका १० जना सांसद छन् ।
यसैगरी राप्रपा, एकीकृत समाजवादीका एक÷एक र स्वतन्त्र एक सांसद छन् ।
कँडेल चैत २७ गते मुख्यमन्त्री नियुक्त हुनु भएको थियो ।
खबर बजार । १३ बैशाख २०८१, बिहीबार १७:३२