सुर्खेत । स्थानीय तहको निर्वाचनमा उम्मेदवारको मनोनयन दर्ताको मिति आजबाट सकिदैछ ।
आगामी वैशख ३० गते हुन लागेको स्थानीय तहको निर्वाचनमा उम्मेदवार हुन चाहने व्यक्तिले आज (सोमवार) निर्वाचन कार्यालयमा मनोनयन दर्ता गरी सक्नु पर्नेछ । सुर्खेतमा प्रमुख पार्टीहरु उम्मेदवार छनौटको कामलाई अन्तिम चरणमा पु¥याएका छन् ।
भागबण्डामा कुरा नमिल्दा गठबन्धन दलहरुमा उम्मेदवार छनौटमा सकस देखा परेका बेला नेकपा एमाले सुर्खेतले भने सुर्खेतका नौ वटै स्थानीय तहका वडा तहसम्म उम्मेदवार टुङ्गाएको छ । नेकपा एमाले बराहतालले पनि वडाध्यक्षहरुको टुङ्गो लगाएको छ ।
दश वटा वडा रहेको बराहतालमा वडाध्यक्षहरुको टुङ्गो लागेसँगै आज मनोनयन दर्ता गर्न लागेको एमाले बराहतालले जनाएको छ । यस्तै वडा नं. ८ को वडाध्यक्षमा केशरबहादुर कार्की, वडा नं. ९ मा युवराज पुलामी र वडा नं. १० मा हरिलाल सलामी अध्यक्ष पदका उम्मेदवारमा चयन भएका छन् ।
खबर बजार । १२ बैशाख २०७९, सोमबार १२:३०