काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले नेपाल विकासको गतिमा अघि बढेको बताउनु भएको छ ।
सत्ता गठबन्धन दलका कार्यकर्ताको संयुक्त भेलालाई ललितपुरमा सम्बोधन गर्दै प्रधानमन्त्री देउवाले नेपालको प्राकृतिक सम्पदाबाट पनि राम्रो आम्दानी गर्नेगरी अघि बढिरहेको बताउनु भयो । नेपालले बिजुली बेचेरै पनि आर्थिक समृद्धि गर्ने बताउँदै देउवाले भारतले बिजुली किन्ने सम्झौता गरेको बताउनु भयो । ठूलोमात्रामा बिजुली उत्पादन गर्न सकेमात्र पनि नेपाल थोरै समयमै आर्थिकरुपमा सबल बन्ने बताउनु भयो ।
जनताको आवश्यकता पूरा गर्दै देशलाई विकासको गतिमा अघि बढाउन वर्तमान गठबन्धननै आवश्यक रहेकाले गठबन्धनकै पक्षमा मतदान गर्न पनि मतदातालाई आग्रह गर्नु भयो । गठबन्धनको सरकार बनेपछि मुलुकको आर्थिक अवस्थामा सुधार हुँदै आएको देउवाले दाबी गर्नु भयो ।
उहांले संविधानको रक्षा र आर्थिक समृद्धिका लागि सत्ता गठबन्धनका उम्मेदवारलाई नै मतदान गर्न आग्रह गर्नु भयो ।
खबर बजार । १ कार्तिक २०७९, मंगलवार १५:४४