काठमाण्डौ । प्रधानमन्त्री पुष्पकमल दाहाल प्रचण्डले एसिया कप क्रिकेटका लागि पाकिस्तानमा रहेको नेपाली राष्ट्रिय क्रिकेट टोलीलाई जितका लागि शुभकामना दिनुभएको छ ।
आज बिहान पाकिस्तानमा रहेको नेपाली टीमसँग भर्चुअल संवाद गर्दै प्रधानमन्त्री दाहाल प्रचण्डले पाकिस्तानसँग जितको शुभकामना व्यक्त गर्नुभएको हो ।
शुभकामना व्यक्त गर्दै प्रधानमन्त्रीले प्रतियोगितामा नेपालले राम्रो नतिजा निकाल्ने विश्वास व्यक्त गर्नुभयो ।
उहाँले खेल क्षेत्रको विकास र खेलाडीहरूको हितका निम्ति आफूले सधैँ ध्यान दिएको पनि बताउनु भयो ।
भर्चुअल बैठकमा नेपाली टिमका कप्तान रोहितकुमार पौडेलले टोलीले राम्रो तयारी गरिरहेको र त्यहीअनुसार प्रतिस्र्धामा प्रस्तुति रहने प्रधानमन्त्रीलाई जानकारी गराउनु भयो ।
नेपालले आज घरेलु टिम पाकिस्तानसँग खेल्दैछ ।
खबर बजार । १३ भाद्र २०८०, बुधबार १३:१८