काठमाण्डाै । आज देशभरका धेरै ठाउँको मौसम सफा रहे पनि एक-दुई ठाउँमा हल्का वर्षा र हिमपातको सम्भावना छ ।
केही ठाउँमा आंशिक बद्लीको सम्भावना रहेको र अहिले तराईका केही ठाउँमा मात्रै हुस्सु र कुहिरो लागेकाे छ । कर्णाली, सुदुरपश्चिम, गण्डकी, लुम्बिनी र मधेस प्रदेशमा भने मौसम अब बिस्तारै खुल्दै गइरहेको छ ।
प्रदेश नम्बर १ र वाग्मती प्रदेशका पहाडी एक/दुई ठाउँमा हल्का वर्षा तथा उच्च पहाडी र हिमाली थोरै ठाउँमा हल्का हिमपातको सम्भावना रहेको जल तथा मौसम पूर्वानुमान महाशाखाले जनाएको छ ।
अरु ठाउँमा भने मौसम सामान्यता सफा नै रहेको तथा आज दिउँसो र राति पनि मौसम सफा रहने महाशाखाले जनाएको छ ।
खबर बजार । २९ माघ २०७८, शनिबार ०७:५०