सुर्खेत । नेपाली कांग्रेसको तर्फबाट कर्णाली प्रदेश सरकारमा सहभागी तीन जना मन्त्रीहरूले राजीनामा दिएका छन् । पत्रकार सम्मेलनको आयोजना गरी उनीहरुले मंगलबार दिउँसो राजीनामा दिएको र सरकारबाट बाहिरिएको जानकारी दिएका हुन् ।
कांग्रेसबाट अर्थिक मामिला मन्त्रीमा बेदराज सिंह, सामाजिक विकास मन्त्रीमा खड्गबहादुर पोख्रेल र उद्योग, पर्यटन, वन तथा वातावरण मन्त्रालयमा कृष्णकुमार बिसी मन्त्री बनेका थिए ।
केन्द्रमा सत्ता समीकरण बदलिएसँगै कर्णालीमा पनि राजीनामा दिएको मन्त्रीहरूले बताएका छन् । माओवादीका मुख्यमन्त्री राजकुमार शर्मालाई दिएको समर्थन पनि फिर्ता लिएको उनीहरूले पत्रकार सम्मेलनमार्फत जानकारी गराएका छन् ।
खबर बजार । २२ फाल्गुन २०८०, मंगलवार १६:३०