सुर्खेत । मध्यपश्चिम विश्वविद्यालयको मानविकी र सामाजिक शास्त्र केन्द्रीय क्याम्पसले भौतिक उपस्थितिमा हुने सम्पूर्ण परीक्षाका कार्यक्रम स्थगित गरेको छ ।
क्याम्पस प्रमुख तेजविक्रम बस्नेतले शुक्रबार एक सुचना जारी गर्दै कोरोना महामारीको नयाँ भेरियन्टको जोखिमको कारण परीक्षा हाललाई भौतिक रूपमा नगरिने जानकारी दिनुभएको हो ।
विश्वविद्यालयको परीक्षा व्यवस्थापन कार्यालयले सम्बन्धित क्याम्पसबाट परीक्षा तथा पठनपाठन सम्बन्धि कार्यक्रमको सन्दर्भमा निर्णय लिनसक्ने जनाएको थियो ।
जसअनुसार माघ ९ गतेदेखि तोकिएको स्नातकोत्तर तह प्रथम र तेस्रो सेमेस्टर तथा स्नातक तह तेस्रो, पाँचौ र सातौँ सेमेस्टरका मध्यवर्ती परीक्षा अर्को सुचना नभए सम्मको लागि भौतिक उपस्थितिमा नहुने भएका छन् ।
यसअघि परीक्षा व्यवस्थापन कार्यालयबाट इन्जिनियरिङ सङ्कायअन्तर्गत स्नातक तह प्रथम सेमेस्टरको सन्त्रान्त परीक्षा पनि स्थगित गरिएको छ ।
खबर बजार । ७ माघ २०७८, शुक्रबार ०४:१३