पोखरा । साविक बिजेता एपीएफ क्लब पोखरामा जारी आहारारा पोखरा गोल्डकपको सेमिफाइनलमा प्रवेश गरेको छ । पोखरा रंगशालामा भएको खेलमा धरान फुटबल क्लबलाई एपीएफले २–० ले पराजित गर्दै एपीएफ सेमिफाइनल प्रवेश गरेको हो ।
एपीएफलाई जिताउन बिकु तामाङले ३६ औं र युवराज खड्काले ३९ औं मिनेटमा गोल गरे ।
गत वर्ष माघमा भएको आहारारा गोल्डकपमा एपीएफले फाइनलमा मनाङ मस्र्याङ्दी क्लबलाई पराजित गर्दै पहिलो पटक उपाधि चुमेको थियो ।
एपीएफ यसअघि ०६४ को आहा गोल्डकपमा पनि फाइनल पुगेको थियो । उक्त संंस्करणमा एपीएफ अर्को विभागीय टिम नेपाल पुलिसँग २–० ले पराजित हुँदै उपविजेतामा सीमित हुन पुगेको थियो ।
खबर बजार । १६ पुष २०७९, शनिबार १६:३५