सुर्खेत । विभिन्न पार्टीका नेता र कार्यकर्ताहरुलाई आफ्नो पार्टीमा प्रवेश गराउन नेकपा (एमाले) का अध्यक्ष केपी ओली कर्णाली प्रदेशमा आउनुभएको छ ।
दैलेखको दुल्लु, कालिकोटको मान्म र जुम्लाको सिंजा उपत्यकामा आयोजना गरिएका कार्यक्रमलाई सम्बाेधन गर्न उहाँ कर्णाली आउनुभएको हो । आज दुल्लुमा सामान्य भेटघाट कार्यक्रम गरिएको छ भने त्यहाँबाट उहाँ जुम्लाको सिंजातर्फ लाग्नुभएको छ ।
सिंजामा नेत्रविक्रम चन्द (विप्लव) नेतृत्वको नेकपाका नेता राज्य समिति सदस्य राम प्रसाद शर्मा र नेपाली कांग्रेस प्रदेश ‘ख’ का उपसभापति दानसिंह खत्री लगायतका सयौं नेता कार्यकर्तालाई एमाले भित्र्याउने कार्यक्रम छ ।
यस्तै कालिकोटमा पूर्व मुख्यमन्त्री महेन्द्र बहादुर शाहीका प्रमुख स्वकीय सचिव कृष्ण प्रसाद आचार्य सहित चार सय भन्दा बढी नेता कार्यकर्तालाई एमालेमा ओलीले प्रवेश गराउनुहुने भएको छ ।
खबर बजार । १७ चैत्र २०७८, बिहीबार ११:१७