काठमाडौं । चर्चित कलाकार प्रकाश सपुतले आफ्नो गीत ‘पीर’को केही दृश्य हटाएर युट्युमा पुनः अपलोड गर्नुभएको छ । पुनः अपलोड गरिएको गीतबाट तत्कालीन माओवादीकी पूर्व लडाकुले देहव्यापार गर्न बाध्य भएको दृश्य हटाइएको छ ।
माओवादीबाट आपत्ति व्यक्त भएको मुख्य दृश्य हटाएर गीतका अरू दृश्य तथा शब्द भने यथावत राखेर पुनः अपलोड गरिएको हो ।
सपुतले पीरमा प्रतिकात्मक रुपमा राखिएको एउटा दृश्यले पात्रले चित्रण गरेको सम्बन्धित समूहको आत्मसम्मानमा चोट पुगेको र गीतको अन्य सौन्दर्यलाई समेत छायाँमा पारेको भन्दै हटाएको बताउनुभएको छ ।
फेसबुकमा स्टाटस लेख्दै उहाँले पूरानो भिडिओ सेयर नगरिदिन समेत आग्रह गर्नुभयो । उहाँले गीतलाई थप राजनीतिकरण नगर्न आग्रह समेत गर्नुभएको छ ।
भिडिओः
खबर बजार । ६ चैत्र २०७८, आईतवार ०७:१०