काठमाडौं । देशभर थप ५ सय ७० जनामा कोरोना भाइरस (कोभिड-१९) को संक्रमण पुष्टि भएको छ । स्वास्थ्य मन्त्रालयका अनुसार ९ हजार ७ सय ८९ नमुना परीक्षण गर्दा ती संक्रमित थपिएका हुन् ।
हाल सक्रिय संक्रमित संख्या १६ हजार ६ सय १६ मा झरेको छ । यसैगरी विहिबार थप १ हजार ९ सय ९३ जना संक्रमणमुक्त भएका छन् । मन्त्रालयकाअनुसार एक लाख ६४ हजारले पछिल्लो २४ घण्टामा कोभिड विरुद्धको खोप लगाएका छन् ।
विभिन्न १० जिल्लामा सक्रिय संक्रमण अहिले पनि ५ सय भन्दा माथि छ ।
खबर बजार । ५ फाल्गुन २०७८, बिहीबार १६:४९