काठमाडौं । प्रधानमन्त्री शेरबहादुर देउवासँग नेकपा (माओवादी केन्द्र) का अध्यक्ष पुष्पकमल दाहाल (प्रचण्ड) र नेकपा (एकीकृत समाजवादी) का अध्यक्ष माधवकुमार नेपालले भेटवार्ता गरेका छन् ।
बुधबार दिउँसो प्रधानमन्त्रीलाई भेट्न प्रचण्ड र नेपाल बालुवाटार पुगेका हुन् ।
यसअघि निर्वाचन आयोगका पदाधिकारीले भेटेर स्थानीय तहको निर्वाचन जेठ ४ गते गर्न सरकारलाई परामर्श दिएपछि प्रधानमन्त्रीले गठबन्धनमा छलफल गरेर सरकारले मिति तोक्ने बताउनुभएको थियोे ।
यसैगरी पछिल्लो समय प्रधानमन्त्री शेरबहादुर देउवाले अमेरिकी सहयाोग परियोजना मिलेनियम च्यालेन्ज कम्प्याक्ट (एमसीसी) पारित गर्ने तयारी गरेपछि माओवादी केन्द्र र समाजवादी झस्किएका छन् ।
बुधबार प्रचण्ड र नेपालसँग प्रधानमन्त्रीले यीनै विषयमा कुराकानी गरेको प्रधानमन्त्रीनिकट स्रोतले बताएको छ ।
खबर बजार । १९ माघ २०७८, बुधबार ०८:०२