सुर्खेत । सुर्खेतको भेरीगङ्गा नगरपालिका वडा नम्बर ८ कुईरेमा रोपाइँ गर्न गएका एक जनाको चट्याङ लागेर ज्यान गएको छ । चट्याङ लागेर अन्य चार जना घाइते भएका छन् ।
दिउँसो ३ बजेतिर वीरबहादुर थापाको खेतमा रोपाइँ गरिरहेको अवस्थामा चट्याङ पर्दा डिलबहादुर शाहीको ज्यान गएको जिल्ला प्रहरी कार्यालय सुर्खेतले जनाएको छ । घाइते भएका पर्वत विक, हुमबहादुर थापा, नवीन विक र सुनिता गिरीको मेहलकुना अस्पतालमा उपचार भइरहेको छ ।
खबर बजार । २० असार २०८२, शुक्रबार १९:३५