काठमाडौं । देशभर कोरोना भाइरसका सक्रिय संक्रमितको संख्या ७२ हजार भन्दा बढी पुगेको छ ।
पछिल्लो पटक १० हजार २ सय ५४ जना कोरोनाभाइरसका संक्रमित थपिएसँगै सक्रिय संक्रमितको संख्या अब ७२ हजार ८ सय ६२ पुगेको हो ।
शनिबार २० हजार १८७ नमुना (१४ हजार ४६२ पीसीआर र ५७२५ एन्टीजेन) परीक्षण गर्दा ती संक्रमित थपिएका छन् ।
परीक्षण घटेसँगै संक्रमित संख्या केही कम देखिएपनि लगातार पाँचौं दिन पनि १० हजारभन्दा बढी संक्रमित भेटिएका छन् ।
मुलुकका १५ जिल्लामा सक्रिय संक्रमित संख्या ५०० भन्दा माथि छ । १७ जिल्लामा सक्रिय संक्रमित संख्या २०० भन्दा माथि छ ।
खबर बजार । ८ माघ २०७८, शनिबार १५:५५