काठमाडौं । जनता समाजवादी पार्टी (जसपा)को केन्द्रीय कार्यकारणी समिति बैठक आजदेखि काठमाडौं सुरु हुँदैछ ।
बालकुमारीस्थित केन्द्रीय कार्यालयमा ११ बजेदेखि सुरु हुने बैठकमा एमसीसीदेखि स्थानीय चुनावको तयारीबारे छलफल हुने बताइएको छ ।
जसपामा एमसीसीलगायतका कारण लामो समयदेखि आन्तरिक विवाद छ ।
अध्यक्ष उपेन्द्र यादव र संघीय परिषद्का अध्यक्ष बाबुराम भट्टराईबीचको विवादले पार्टी फुटको दिशातिर गइरहेको आँकलन गरिएको छ ।
बाबुराम पक्षधरले उपेन्द्र यादवले पार्टीमा एकलौटी गरेको भन्दै हस्ताक्षरसमेत संकलन गरेका छन् ।
खबर बजार । १३ फाल्गुन २०७८, शुक्रबार ०९:५२