काठमाडौं । अष्ट्रेलियामा यसै वर्ष हुने विश्वकपमा छनोट हुन असफल भएको नेपालले टी-२० विश्वकप क्रिकेट ग्लोबल क्वालिफायर ए को तेस्रो स्थानको लागि आज ओमानसँग खेल्दैछ ।
नेपाल र ओमानबीचको खेल अल अमेरातमा नेपाली समय अनुसार दिउँसो ३:४५ बजे सुरु हुनेछ ।
फेरि विश्वकप खेल्ने लक्ष्यका साथ ओमान पुगेको नेपाल र नेपालसँगै ओमान पनि यसपटक विश्वकपमा छनोट हुन सकेन । दुवै टोली सेमिफाइनलमा पराजित हुँदै विश्वकपको होडबाट बाहिरिएका थिए ।
मंगलबार भएको सेमिफाइनलमा नेपाल यूएईसँग र ओमान आयरल्याण्डसँग पराजित भएको थियो ।
यूएई र आयरल्याण्ड भने क्वालिफायरको फाइनल पुग्दै अक्टोबर-नोभेम्बरमा अष्ट्रेलियामा हाने टी-२० विश्वकपका लागि छनोट भएका छन् ।
आजै यी दुई टोलीबीच क्वालिफायरको उपाधिका लागि पनि प्रतिस्पर्धा हुनेछ ।
खबर बजार । १२ फाल्गुन २०७८, बिहीबार १०:३९