सुर्खेत । सुर्खेतको वीरेन्द्रनगरमा आइतबार देखि अन्तरपालिका स्तरीय पुरुष भलिबल प्रतियोगिता शुरु भएको छ । वीरेन्द्रनगर युथ क्लवको आयोजनामा ‘वीरेन्द्रनगर युथकप पुरुष भलिबल प्रतियोगिता’ शुरु भएको हो । 
एक समारोहकाबीच प्रतियोगिताको कर्णाली प्रदेश सरकारका सामाजिक विकास मन्त्री यज्ञबहादुर बुढाक्षेत्रीले उद्घाटन गर्नुभएको छ । आइतबारदेखि मंगलबारसम्म हुने प्रतियोगितामा सुर्खेतका ९ वटै स्थानीय तहका टिमहरू सहभागी भएका आयोजक क्लबका दिनेश ढकालले बताउनुभयो ।
प्रतियोगितामा सहभागि सबै टिमलाई खेल सामग्री वितरण गरिने प्रतियोगिताको विजेताले एक लाख, उपविजेताले ५० हजार र तृतिय हुनेले २५ हजार रुपैयाँ पुरस्कार तथा ट्रफि, मेडल र प्रमाणपत्र प्राप्त गर्ने छन् ।
खबर बजार । २२ फाल्गुन २०७८, आईतवार १९:४७