दाङ । राप्ती स्वास्थ्य विज्ञान प्रतिष्ठान दाङको उपकुलपतिमा डाक्टर विकास लामिछानेलाई नियुक्त गरिएको छ ।
प्रतिष्ठानका कुलपति एवं प्रधानमन्त्री शेरबहादुर देउवाले डाक्टर लामिछानेलाई प्रतिष्ठानको उपकुलपतिमा नियुक्त गर्नुभएको हो । दाङको हापुरे निवासी डाक्टर लामिछानेले आज पत्र बुझ्नुभएको छ ।
उपकुलपतिका लागि १६ जनाले आवेदन दिएकोमा स्वास्थ्य तथा जनसंख्यामन्त्री एवं प्रतिष्ठानका सहकुलपति विरोध खतिवडा नेतृत्वको सिफारिस समितिले उपकुलपति नियुक्तिका लागि ऋषिकेश नारायण श्रेष्ठ, विकास लामिछाने र नारायणविक्रम थापाको नाम सिफारिस गरेको थियो ।
खबर बजार । १० फाल्गुन २०७८, मंगलवार १८:५६